Түркістанда 191 миллион жымқырған шенеуніктер ұсталды

Ұлттық қауіпсіздік комитетінің Сыбайлас жемқорлыққа қарсы қызметі Түркістан облысындағы бірнеше жергілікті атқарушы орган басшыларына қатысты сотқа дейінгі тергеу жүргізіп жатыр, деп хабарлайды POLITICO.KZ.

Тергеу материалдарына сәйкес, Қоғамдық даму басқармасының басшысы бағынышты қызметкерімен келісіп, қызметкерлердің еңбекақысын төлеуге бөлінген 191 миллион теңге бюджет қаражатын жымқырған деген күдікке ілінді.

Бұған қоса, Ветеринариялық қызметі басқармасы басшысының қаржы-шаруашылық қызметін тексеру нәтижелері бойынша оң қорытынды шығарғаны үшін комиссия өкілдеріне 16 млн теңге мөлшерінде пара беру фактісі тергелуде.

Соттың санкциясымен аталған тұлғалар қамауға алынды. Тергеу жалғасуда.