«Түске дейін ұйықтап жатқам»: Ерке Есмахан Алматыдағы жер сілкінісі кезінде қатты шошығанын жасырмады (ФОТО)

Әнші Ерке Есмахан Алматыда кеше орын алған жер сілкінісі кезінде өзі мен балалары қатты қорыққанын айтты. Бұл туралы ол Instagram-дағы «Сұрақ-жауап» айдарында бөлісті, деп хабарлайды POLITICO.KZ

Оқырмандардың бірі Еркеден жерасты дүмпуін қаншалықты сезгенін сұрап, жоғары қабатта тұру қорқынышты емес пе деген алаңдаушылығын білдірді.

Әншінің айтуынша, ол сол сәтте ұйықтап жатқан екен:

«Түске дейін ұйықтап жатқан едім. Жер сілкінісінен шошып оянып кеттім. Балалармен бірге сыртқа жүгіріп шықтық. Шамамен бір сағаттай далада отырдық, сосын қайта үйге кірдік. Алла жерімізді де, халқымызды да түрлі апаттардан аман сақтасын», – деді ол.

Ерке сондай-ақ отбасындағы отағасы әнші RaiM-ның бұл уақытта Ресейде гастрольдік сапарда жүргенін де атап өтті.