ТЖМ құтқарушылардың қуанышты сәтімен бөлісті (ВИДЕО)

Төтенше жағдайлар министрлігі өз қызметкерлерінің өміріндегі маңызды сәтпен бөлісіп, әлеуметтік желіде әсерлі бейнеролик жариялады, деп хабарлайды POLITICO.KZ.

Бейнежазбада көптен күткен тұрғын үй төлемдері арнайы шоттарына түскен кездегі қарапайым құтқарушылар мен осы сала қызметкерлерінің шынайы қуанышы бейнеленген. Кадрлардан қызметкерлердің телефондарына келген хабарламаны көріп, бір-бірімен және жақындарымен қуанышты жаңалықпен бөлісіп жатқан сәттерін байқауға болады.

«Бір хабарлама — ортақ қуаныш. Құтқарушылар қуанышты жаңалықпен жақындарымен бөлісті: «Түсті!» Тұрғын үй төлемдері арнайы шоттарға түсуде — бұл адамдарға қызмет етуді өмірлік ұстаным еткен жандарға қолдау», - деп жазылған бейнеролик сипаттамасында.