Украина дрондары Қазақстанмен шекаралас аймақтарға шабуыл жасады

3 ақпан күні таңертең Украина Қарулы күштері Қазақстанмен шекаралас Ресейдің Волгоград және Астрахань облыстарындағы мұнай-газ нысандарына дронмен шабуыл жасады, деп хабарлайды POLITICO.KZ.

Astra басылымының мәліметінше, Волгоградта «Лукойл» компаниясына тиесілі мұнай өңдеу зауытына, ал Астрахань облысында «Газпромның» газ өңдеу зауытына дрондар шабуыл жасаған. Бұл екі аймақ Батыс Қазақстан облысы мен Атырау облысымен шектеседі.

«Екі жағдайда да шабуыл нысандары мұнай-газ өнеркәсібінің объектілері болды», – делінген хабарламада.

Айта кетейік, бұған дейін Ресей Украинаға жаппай зымыран соққысын жасап, соның салдарынан 14 адам қаза тапқан болатын.

Сондай-ақ, өткен жылдың соңында украин дрондары Қазақстан мұнайын Ресей арқылы тасымалдайтын құбырға шабуыл жасаған еді.