Ұлдары әскерде қаза тапқан сарбаздардың аналарын митингіге әлдебір күштер дайындаған – Ермұрат Бәпи

Мәжіліс депутаты Ермұрат Бәпи ұлдары әскерде қаза тапқан сарбаздардың аналарын Астанада митингіге әлдебір белгісіз топ дайындағанын айтты, деп хабарлайды POLITICO.KZ.

«Үстеріне киім кигізіп, қолдарына плакат ұстатып оны ұйымдастырған күштер бар. Ол күштер Қазақстан әскерінің қорғаныс қабілетін әлсіретуге әсер етіп күштер деп есептеймін. Бұл сыртқы күштер болуы мүмкін. Кегі бар адамдардың ұйымдастырған әрекеті»,- деп пікір білдірді мәжіліс депутаты.

Айта кетері, жақында Астанада Министрліктер үйі ғимаратының жанында ұлдары әскерде қаза тапқан сарбаздардың аналары жиналған еді. Кейіннен бұл мәселеге Тоқаев араласып, бас прокурорға аналардың арыз-шағымын 12 күнге қарастыруды тапсырды.