Ұлттық банк шешім қабылдады: көшедегі валюта таблоларына тыйым салынды

Қазақстанда көшелерге валюта бағамдарын көрсететін табло орнатуға тыйым салынды

Ұлттық банктің жаңа қаулысына сәйкес, енді айырбастау пункттері шетелдік валюталардың бағамдарын сыртта емес, тек ішкі кеңістіктерде немесе кассалардың жанында көрсетуі тиіс.

Бұл өзгеріс "Қолма-қол шетел валютасымен айырбастау операцияларын жүзеге асыру қағидаларына" енгізілген.

Алайда кейбір нысандарға бұл шектеу жүрмейді. Мысалы, бизнес-орталықтар, әуежайлар, теміржол және теңіз вокзалдары мен мемлекеттік мекемелерде валюта бағамдарын сыртқы таблода көрсетуге рұқсат етіледі.

Ақпараттық таблоларда көрсетілетін деректер толық әрі нақты болуы шарт: барлық қызмет түрлері, шетел валютасын қабылдау шарттары мен айырбастау ұйымының байланыс деректері жазылуы қажет.

Жаңа қаулы 2025 жылғы 9 қыркүйектен бастап күшіне енеді.