Ұлы Отан соғысының ардагерлеріне 5 миллион теңгеден төленеді

Астанадағы алты ардагерге 5 миллион теңгеден беріледі

Астанада Ұлы Отан соғысының ардагерлеріне 5 миллион теңгеден төленеді, деп хабарлайды POLITICO.KZ.

Бұл төлемдер 2025 жылы Ұлы Жеңістің 80 жылдығына орай ардагерлерді қолдау мақсатында жүзеге асырылуда. Астана әкімдігінің бастамасымен төлем сомасы екі жарым есеге артты. Қазіргі уақытта елордада алты ардагер тұрады.

Сонымен қатар, 9 мамырға орай төлемдер келесі санаттар бойынша тағайындалды:

ҰОС ардагерлеріне теңестірілген азаматтарға – 45 АЕК (176 940 теңге);
Басқа елдер аумағындағы жауынгерлік қимылдарға қатысқан ардагерлерге – 45 АЕК (176 940 теңге);
Қазақстан Республикасының "Ардагерлер туралы" Заңының әрекеті тарайтын басқа тұлғаларға (тыл еңбеккерлері, қайтыс болған әскери қызметшілердің отбасылары, ҰОС мүгедектерінің жұбайларына) – 15 АЕК (58 980 теңге).

Бұған дейін Қазақстан Президенті Қасым-Жомарт Тоқаев Ұлы Жеңістің 80 жылдығына орай әскери парад өткізілетінін жариялаған болатын.

#соғыс