«Ұлым терезеден ұшып кетті»: Гүлзира Айдарбекова Қайрат Нұртастың қалай жол апатына түскенін айтты

Танымал продюсер Гүлзира Айдарбекова өмірін өзгерткен жол апаты туралы айтып берді, деп хабарлайды POLITICO.KZ.

Өнер иесі неліктен ұлы Қайрат Нұртастың көзілдірік тағатынын айтты. 

«Қытайға ұшамыз деп асығып келе жатып, жол апатына ұшырадық. Көліктен түк қалмай, шелпек болып қалды. Бірақ құдай сақтап қалды. Қайрат терезеден ұшып кетті. Әйнектер сынып, денесі мен көзіне қадалып қалды. Содан тыртық пайда болды. Көзілдірікті сол үшін тағып шығатын», – деп жазды продюсер. 

Продюсердің жазуынша, сол жол апатын фильмге арқау еткен. 

«Өкініш» фильміне жол апатын кірістірдім. Қалай көліктен аударылғанын және өзімнің сол кезде қандай күйде болғанын көрсеттім. Телефон соққаным да еш өзгеріссіз фильмге енді», – деп жазды Қайрат Нұртастың анасы.