"Ұлымның жеңісі үшін билей алмаймын ба?": Шерхан Қалмырзаның анасы ренішін білдірді

"Қайраттың" жас қақпашысы Шерхан Қалмырзаның анасы Сәуле Рабаева көптеген паблик пен спорт сайтына өз ренішін білдірді, деп хабарлайды POLITICO.KZ

Сәуле Рабаеваның айтуынша, оның ұлымен бірге "Қайраттың" жеңісін тойлау кезінде жариялаған фото-видеоларын көптеген паблик оңды-солды пайдаланып, түрлі жағымсыз тақырыппен шығарған.

"Қаншама телеарналар, жобалар сұқбат алу үшін мені шақырды. Бұл менің тәкаппарлығым емес. Керісінше, бұл менің ұлымның жағдайын түсінуге тырысуым. Себебі оның алдында екі қақпашы ағасы жарақат алып қалды. Осылайша мен командаға құрмет көрсеттім. Ұлым командада жалғыз ойнамайды. Қаншама ағалары бар командада. Ал ұлым мен Дастан екеуі командадағы ең кішкентайлары. Мен ұлымның жеңісі үшін қуана алмаймын ба? Ұлымның жеңісі үшін билей алмаймын ба?" – деді Сәуле Рабаева.