ҰҚК қызметкерлері Тараздағы полиция басшысын моншада ұстады

Жамбыл облысында Ұлттық қауіпсіздік комитетінің қызметкерлері Тараз қаласы патрульдік полиция батальонының командирін ұстады, деп хабарлайды HALYQSTAN телеграм-арнасы.

Алдын ала мәліметтерге сүйенсек, ол өз қарамағындағы қызметкерден пара алды деген күдікке ілінген. Ақша рота командирлерінің бірі арқылы сұралған. Белгілі болғандай, инспектордан 100 мың теңге талап етілген. Бұл қаржы оны отбасылық-тұрмыстық жанжал фактісі бойынша жауапкершіліктен жалтарып кетуге көмектесу үшін берілуі керек болған.

Батальон командирі Е.Ж. қаладағы монша кешендерінің бірінде қолға түсті. Одан кейін ол бірден уақытша ұстау изоляторына қамалды.

Қазіргі уақытта қылмыстық істің ресми мән-жайы тексеріліп жатыр. Сонымен қатар оқиғаға қатысы бар басқа да адамдардың құқықтық мәртебесі нақтылануда.

Батальон командирі Жамбыл облысы Пара алу Тараз ҰҚК

ҰҚК қызметкерлері Тараздағы полиция басшысын моншада ұстады

Соңғы жаңалықтар