Зайсан көлінде қайық аударылды: суға кеткен балықшылар іздестіріліп жатыр

17 қыркүйек 2026, 17:00 837

Зайсан көлінде қайық аударылды: суға кеткен балықшылар іздестіріліп жатыр — Фото: ЖИ көмегімен жасалған

Тарбағатай ауданының Тұғыл ауылдық округіндегі Зайсан көлінде қайық аударылғаннан кейін суға батып кеткен екі балықшыны іздестіру жұмыстары жүргізіліп жатыр, деп хабарлайды Politico.kz.

Құтқарушылардың мәліметінше, қайықта үш адам болған және көлде балық аулаған.

Қатты желдің салдарынан жүзу құралы аударылған. 1968 жылы туған балықшылардың бірі өздігінен жүзіп үлгерген және оны жергілікті тұрғындар құтқарған. 1968 және 1995 жылы туылған екі адам суға батып кетті. Балықшыларда құтқару кеудешелері болмаған.

Оқиға орнында жедел штаб құрылды. Іздестіру-құтқару жұмыстарын жүргізу үшін ТЖД күштері мен құралдары, ұшқышсыз ұшу аппараттары, қайықтар, жүзу құралдары және суасты дрондары жұмылдырылған. Жергілікті тұрғындар да суға кеткен балықшыларды қайықпен іздестіріп жатыр. Іздеу жұмыстары жалғасуда.

балықшылар Зайсан көл ШҚО қайық

Бізді Google-дың негізгі дереккөздер тізіміне қосыңыз

Қосу

Зайсан көлінде қайық аударылды: суға кеткен балықшылар іздестіріліп жатыр

Соңғы жаңалықтар