Зеленский Трамптан Ақ үйдегі дау үшін кешірім сұрады

Украина президенті Владимир Зеленский АҚШ президенті Дональд Трамптан Ақ үйде болған дау үшін ресми түрде кешірім сұрады, деп хабарлайды POLITICO.KZ Fox News арнасының дерегіне сүйене отырып.

"Зеленский Ақ үйдегі инцидент үшін Трампқа кешірім сұраған ресми хат жіберді", – деп мәлімдеді АҚШ президентінің Таяу Шығыстағы арнайы өкілі Стив Уиткофф.

Еске салсақ, Зеленский мен Трамп Ақ үйдегі кездесу барысында пікірталасқа түсіп, дау туындаған.

Бұл оқиға АҚШ-тың Украинаға әскери көмекті тоқтатуға және украин жер қойнауы туралы келісімді бұзуға себеп болды.

АҚШ-тың танымал журналисі Сеймур Херш Зеленскийдің болашағы туралы да пікір білдірді.

"Зеленскийге Украинадағы қақтығыс шешілгеннен кейін ешқандай рөл берілмейді", – деп мәлімдеді ол.

"Инсайдерлердің айтуынша, Зеленский біраз уақыт қалады, бірақ бір жыл ішінде оны алмастырып, соғыс тоқтайды", – деп жазады журналист.