Зеленский Ұлыбритания королімен кездесті

Король Зеленскийді Норфолктегі сарайда қарсы алды

Украина президенті Владимир Зеленский 2 наурызда Норфолктегі Сандрингем сарайында Ұлыбритания королімен кездесті, деп хабарлайды POLITICO.KZ.

Зеленский Лондондағы Ланкастер-хаустан тікұшақпен ұшып келіп, король мен королева уақыттарының көп бөлігін өткізетін Сандрингем сарайына қонды.

Мемлекет басшысын король өзі қарсы алып, қысқа әңгімеден кейін екеуі бірге суретке түсіп, сарай ішіне кірді.

Кездесудің нақты тақырыбы туралы ресми ақпарат жарияланған жоқ. Дегенмен, сарапшылар бұл кездесудің Ұлыбритания мен Украина арасындағы ынтымақтастықты күшейтуге бағытталғанын атап өтуде.