Жамбылдық полицейлер есірткіні өздерімен бірге тұтынған тұрғынды қамауға алған

Жамбыл облысының полицейлері айыптыны бірнеше рет синтетикалық есірткіні бірге қолдануға мәжбүрлеген. Ер адамның сеніміне кіріп, тәртіп сақшысы оған синтетика сатып алу үшін ақша берген. Бұдан кейін әріптесі екеуі тергеу жұмыстарын жүргізген. Прокуратураның мәліметінше, заң нормаларының анық бұзылуына байланысты бас прокурор Жоғарғы сотқа наразылық енгізген. Қарау қорытындысы бойынша сот полицейлердің әрекетін арандатушылық деп танып, сотталғанды ақтап, сот актілерінің күшін жойды.

Сотталғанның қорғаушысы оның синтетикалық есірткі сатқанымен келіспей, арызданған. Ол өтінішхатында Жамбыл облысының полиция қызметкерлері тарапынан арандатушылық әрекеті болғаны туралы уәждер көрсеткен. Істі зерделей келе, полиция қызметкерінің бастапқыда сотталғанды синтетикалық есірткіні бірге қолдануға көндіргені, оның сеніміне кіріп, синтетикалық заттарды сатып алуға ақша бергені анықталды. Кейін ол әріптесімен бірге жедел-іздестіру және жасырын тергеу әрекеттерін жүргізіп, сотталған азаматты «психотроп затты сату барысында» ұстаған, – делінген бас прокуратураның хабарламасында.

Дерекке сенсек, қолжазба сараптамасына сәйкес жедел-іздестіру туралы бұйрықта тергеушінің қойған қолының жалған екені белгілі болған. Фото: ok.ru

бас прокурор есірткі Жамбыл облысы Жоғарғы сот полицейлер прокуратура

Жамбылдық полицейлер есірткіні өздерімен бірге тұтынған тұрғынды қамауға алған

Соңғы жаңалықтар