Жаңа Уренгой әуежайында жүк ұшағы қонарда қирай жаздады

Әуежайда төтенше жағдай: Ан-12 шассиі ашылмай қалды

Ресейдегі Жаңа Уренгой әуежайында Ан-12 жүк ұшағы апатты жағдайда қонуға мәжбүр болды. Оқиға ұшақтың шасси тіреуіші ашылмай қалғандықтан орын алған, деп хабарлайды POLITICO.KZ.

Оқиға кезінде ұшақ сол жақ бүйіріне қисайып, ұшу-қону жолағында айналып кеткен. Бортта сегіз адамнан тұратын экипаж болған, абырой болғанда олардың ешқайсысы зардап шекпеген.

Алдын ала мәлімет бойынша, ұшақтың сол жақ шасси тіреуіші құлыпталмай қалған. Қазір оқиға орнында көлік прокуратурасының тергеушілері жұмыс істеуде. Әуежай уақытша жабылған.

Айта кетейік, екі күн бұрын, 24 наурызда осы ұшақ дәл осындай мәселеге тап болған. Сол кезде шасси дұрыс ашылмай, ұшақ әуеде бірнеше рет айналып, кейін қауіпсіз қонған болатын.

Қазіргі уақытта тергеу амалдары жалғасып жатыр.

Ресей Әлем жаңалықтары Әуе апаты

Жаңа Уренгой әуежайында жүк ұшағы қонарда қирай жаздады

Соңғы жаңалықтар