Жаңа жылдан бастап студенттердің шәкіртақысы қаншаға өседі

Үкімет отырысында Қаржы министрі Мәди Тәкиев жаңа жылдан бастап қазақстандық студенттердің шәкіртақысы 15-20 пайызға өсетінін айтты, деп хабарлайды Politico.kz.

Жоғарғы оқу орындарының студенттеріне стипендия мөлшерін орта есеппен 15-20%-ға ұлғайту жоспарланып отыр. Нәтижесінде стипендияның орташа мөлшері бакалавриат студенттері үшін 52 372 теңгені, магистратура үшін 117 098 теңгені құрайды, - деді ол.

Сондай-ақ, оның айтуынша, келесі жылы гранттар саны 2 500 орынға көбейеді. Қосымша орындарды ескере отырып, 2025 жылы шамамен 78 мың білім гранты бөлінеді. Фото: uralskweek.kz

#2024 жыл #басқарма #стипендия #студенттер #шәкіртақы #Қазақстан #өседі