Жаңа жылды тойламау керек – Нұрлан имам жауап берді

Алда Жаңа жыл мерекесі жақындап келе жатқандықтан, кейбір адамдар арасында оны атап өтуге бола ма, болмай ма деген сауал туындап, бұл мәселе төңірегінде пікірталастар жиілеп кетті, деп хабарлайды POLITICOKZ Aikyn.kz сайтына сілтеме жасап.

Осыған байланысты имам Нұрлан Асанов аталған мәселеге қатысты өз пікірін білдірді.

Имам Нұрлан Асановтың айтуынша, ислам дінінде Жаңа жыл, Наурыз, тіпті Конституция күні немесе Республика күні секілді мемлекеттік мерекелер арнайы бекітілмеген. Алайда «дінде жоқ» деген уәжбен мұндай күндерді мүлде жоққа шығарып, оларды қоғамнан шеттету дұрыс емес.

Оның сөзінше, мұндай көзқарас қоғамды бөлшектеп, елдік санадан алыстатуы мүмкін.

«Біз зайырлы мемлекетте тұрамыз.Әр зайырлы мемлекеттің өзінің мерекесі бар.Сондықтан әр нәрсе өз жөнімен болу керек»

Сондай-ақ имам адамдарды бір-біріне «кәпір», «дінсіз» деп айыптаудың қажеті жоқ екенін айтып, әр нәрсе өз жолымен болғаны дұрыс екенін жеткізді.