Жанар Айжанованың қызы перзентханадан шыққан әсерлі сәтімен бөлісті

Экстрим-блогер Сәкен Қағаров пен актриса Айжұлдыз Адайбекова әлеуметтік желіде перзентханадан шыққан сәттің жүрекжарды кадрларымен бөлісті. Жас ата-ана қуанышқа толы жүздерімен тұңғыш ұлдарын – Санатты қарсы алды, деп хабарлайды POLITICO.KZ.

«10.10.2025 - Қағаров Санат Сәкенұлы. Біздің отбасымызға қош келдің», - деп жазды бақытты әке.

Суреттерден Сәкен мен Айжұлдыздың жақындары мен достарының қуанышты сәтке куә болғанын көруге болады. Олардың арасында Айжұлдыздың анасы, әнші әрі актриса Жанар Айжанова бар. 
Жас отбасын қазақстандық шоу-бизнес өкілдері де құттықтады: Роза Әлқожа, Жазира Еркін, Карина Оқсұқпаева, Санжар Мади, Дина Толепберген және басқалар жылы лебіздерін білдірді.
Әлеуметтік желі қолданушылары да құттықтауларын жаудырды:

«Қош келдің, Санат!», «Неткен сүйкімді отбасы!», «Кішкентай Санат нағыз азамат болып өссін», - деп жазды олар пікірлерінде.