Жедел жәрдемнің келуін онлайн бақылау мүмкіндігі пайда болады

Қазақстанда жедел жәрдемнің келуін онлайн бақылау мүмкіндігі пайда болады

Енді қазақстандықтар жедел жәрдем көлігінің қозғалысын нақты уақыт режимінде бақылау мүмкіндігіне ие болады. Бұл бастама Астана қаласында пилоттық жоба ретінде қолға алынуда.

Жоба аясында жедел жәрдем шақырылғаннан кейін, пациенттерге немесе қоңырау шалған азаматтарға интерактивті картаға сілтемесі бар SMS-хабарлама жіберіледі. Осы сілтемені ашқан қолданушы жедел жәрдем көлігінің бағытын нақты уақыт режимінде бақылап отыра алады, бұл оның қашан жететінін білуге және күтуді жеңілдетуге мүмкіндік береді.

Бұл инновациялық жоба Қазақстан Республикасы Денсаулық сақтау министрлігі, Астана қаласының әкімдігі және Yandex Qazaqstan компаниясының бірлескен күшімен іске асырылуда.