«Жолаушы жүргізуші әйелді бауыздап тастаған»: Астана тұрғыны елді шошытты

25 қыркүйек 2024, 16:01 1052

«Жолаушы жүргізуші әйелді бауыздап тастаған»: Астана тұрғыны елді шошытты

Астана қаласының мамандандырылған ауданаралық соты TikTok желісінде жалған ақпарат таратып, қоғамдық тәртіпті, азаматтардың құқығы мен заңды мүддесін бұзған қала тұрғынына қатысты істі қарады. Соттың мәліметінше, астаналық әйел өзінің жеке парақшасында Астанада бір жолаушының жүргізуші әйелді бауыздап тастағаны туралы видео жариялаған. Бұған жауап ретінде полицейлер бұл дерек еш жерде тіркелмегенін және ақпараттың шындыққа жанаспайтынын мәлімдеді.

Сот отырысында айыпталушы А. өзіне тағылған айыппен ішінара келісіп, келесі күні видеоны өшіргенін, бірақ басқа желі қолданушылары оны таратып үлгергенін айтты. Видеоны жариялаудағы мақсаты такси жүргізушілеріне кездейсоқ жолаушылардан аулақ болуға үндеу және болашақта болуы мүмкін қылмыстардың алдын алу екенін атап өтті, – делінген сот хабарламасында.

Сот шешімімен әйел құқықбұзушылық жасағаны үшін кінәлі деп танылды. Оған 20 АЕК (73 840 теңге) көлемінде айыппұл түріндегі әкімшілік жаза тағайындалды. Фото: Funstock/Shutterstock

Астана Жүргізуші Сот Әйел

Бізді Google-дың негізгі дереккөздер тізіміне қосыңыз

Қосу

«Жолаушы жүргізуші әйелді бауыздап тастаған»: Астана тұрғыны елді шошытты

Соңғы жаңалықтар