«Жүрегімде сақтаймын»: Димаш Асанәлі Әшімовтің отбасына көңіл айтты

22 желтоқсан 2025, 18:01 1620

«Жүрегімде сақтаймын»: Димаш Асанәлі Әшімовтің отбасына көңіл айтты — Фото: ашық дереккөз

Әнші Димаш Құдайберген қазақ өнерінің аңызы, театр және кино актері Асанәлі Әшімовтің қазасына байланысты оның отбасына көңіл айтты, деп хабарлайды Politico.kz.

«Қазақ өнерінің тұтас дәуірі мен тарихын арқалаған алып тұлға өмірден өтті… Сіз – қазақ өнерінің ғана емес, тұтас бір ұлт руханиятының темірқазығы болған ұлы тұлға едіңіз. Маған берген ақ баталарыңыз, айтқан әрбір өнегелі сөзіңіз – мен үшін өмірлік бағдар, өнер жолындағы ең қымбат рухани мұра. Сіздің сеніміңіз бен ақыл-кеңесіңіз мені әрдайым биік жауапкершілікке, адалдық пен тазалыққа жетелеп келеді.
Өнерге, адамдыққа, ұлтқа деген сіздің ұстанымыңыз – кейінгі буын үшін өлмес өнеге. Сол өнегені жүрегімде сақтап, әрдайым лайық болуға тырысамын», - деп жазды Димаш.