Мақпал Жүнісова сахнада кішкентай қызға бриллиант сақинасын шешіп берді

Әнші Мақпал Жүнісоваға концерттерінің бірінде кішкентай көрермені сый жасады.

Ән айтып біткенде сахнаға көтерілген кішкентай қыз әншіге зергерлік бұйым сыйлады. Ал оған риза болған Мақпал Жүнісова кішкентай көрерменін құр қол қайтармады. Оған саусағындағы сақинасын шешіп берді.

Маған сахнада күтпеген жерден періште қыз тұмаршаны сыйға тартты. Риза болғаным соншалық, анаң тағып жүрсін деп бриллиант сақинамды шын жүректен саусағымнан шешіп бердім. Аман болайық! – деп жазды әнші Instagram-дағы парақшасына.