Нұрлан имам орамалдағы қыздарға тұрмысқа шығудың жолын айтты

Нұрлан имам орамалдағы қыздарға жігіттермен танысудың «төте» жолын нұсқады.

Оған TikTok-тағы тікелей эфирде оқырманның бірі «Тұрмысқа қалай шығамыз? Орамалда болған соң жігіт өзі келіп таныспайды» деген сұрақ қойды.

«Тұрған тастың астына су кірмейді» дейді қазақ. Қазір мына TikTok, Instagram күшті, соған бір-екі рет макебаны билеп видео жүктесең, бағың ашылады. Бірақ орнымен билеу керек. Билегеннің жөні осы екен деп селкілдеп, бүлкілдеп, қатты кетіп қалма! Тоқтата алмай қалмайық, «тойдың гүлі» болып. Содан кейін жеңгелеріңе айт. Сенен құтыла алмай жүрген жеңгелер қатырады ондайды. Туысқандарына, інілеріне жоқ қылып жібереді. Ең негізгісі, Құдайдан сұрауды ұмытпа, – деп жауап берді имам.

Фото: nstagram.com/nurlanimam.kz