Олимпиададан жүлде ала алмаған Әбужақыноваға үшінші көлік сыйланды

Дзюдошы Әбиба Әбужақыноваға тағы бір көлік сыйға тартылды. Бұл туралы ол Instagram Stories-іне жариялады. Париж Олимпиадасында 5-орын алған дзюдошыға осымен қатарынан үшінші көлік беріліп отыр. Оған бірінші болып «Республика» партиясының төрағасы Айдарбек Ходжаназаров көлік мінгізсе, кейін Атырау облысының әкімі де темір тұлпардың кілтін табыстаған еді. Еске сала кетсек, Әбиба Әбужақынова Париж Олимпиадасында 48 келі салмақ дәрежесінде қола жүлдеге таласта швециялық Тара Бабулфаттан жеңіліп қалған болатын. Фото: instagram.com/stories/abiba48

дзюдошы көлік сый Әбиба Әбужақынова