«Қарапайым ақиқат – қарапайым тілде»: бүгінгі Жолдауға қатысты сарапшылар пікірі

Еліміздің барлық дерлік сарапшылар қауымдастығы Қасым-Жомарт Тоқаевтың бүгінгі «Әділетті Қазақстан: құқықтық тәртіп, экономикалық өсім, қоғамдық оптимизм» атты Жолдауының прагматикалық және нақты стилін атап өтті, деп хабарлады politico.kz.

Алдымен қаржы сарапшысы Андрей Чеботарев Жолдаудың экономикалық блогына түсінік бере кетті. Оның айтуынша, қоғамда көптен бері көтеріліп жүрген мәселе – бюджет тапшылығы және өз мүмкіндігіне қарай өмір сүру. Ол да президент тарапынан елеп-ескерілді. Өз мүмкіндігіңізге сай өмір сүру – мемлекеттік қаржы тұрақтылығының бірден-бір мүмкіндігі. Сондықтан стратегиялық мәні жоқ міндеттерге шамадан тыс шығындарды болдыртпау керек. Осылай деген президент бюджеттің кіріс бөлігінің орындалмауына назар аударды.

Сарапшының пікірінше, Үкімет Ұлттық банкпен әлі де бірлесе жұмыс істеуі керек. Сөйтіп, бюджеттің қаржысын тиімді пайдалануға, шығыстарды шектеуге және қатаң бақылауға бағытталған тиімді шараларды қабылдауға тиіс.

Сонымен қатар, президент Салық кодексінің жобасын дайындау кезінде барлық сарапшының аузында жүрген қарапайым шындықты айтты. Ол түсінікті, қарапайым… және прогрессивті жеке табыс салығы шкаласын қамтуы керек. Оны құру үдерісінде әзірлеушілер бірнеше рет айтты. Бірақ ол нашар идея болды және олар, тіпті, оны қысқаша таныстырудан бас тартты. Бір жағынан, бұл – жақсы жаңалық. Дегенмен құжат өте жақсы әзірленбеген. Екінші жағынан, инвесторлар үшін шығынды теңестіру тағы бір жылға шегеріліп жатыр, – деп түйіндеді сөзін Андрей Чеботарев.

Ал саясаттанушы Данияр Әшімбаев жолдаудың философиялық бөлігіне назар аударып отыр. Оның пікірінше, ең қызықты тезистердің бірі Қасым-Жомарт Тоқаевтың мына сөзі: «Ылғи да кейін қайырылып, өткенмен өмір сүруге, бұрынғы жүйеден немесе саяси тұлғалардан кінә іздей беруге болмайды. Өз халқыңның тарихын білу керек, бірақ одан тек еңсеңді түсіріп, өзгеге өкпе артуға себеп іздемеу қажет. Қандай қасіретті болса да өткен оқиғалардан ең алдымен тағылым ала білген жөн».

Бұл жерден әрине «ескі Қазақстанды» кінәлауды доғаруға шақыруды көруге болады. Бұл ретте тек мүлде жаңа кадрлар ғана келмей, сонымен бірге «ескі» болып келгендер де тез арада аяқкиімін ауыстырып кигендей әсер қалдырды, – деп есептейді саясаттанушы.

Оның айтуынша, соңғы айларда белгілі бір мәселелерге қатысты сыни баға бірнеше рет берілді. Президенттің осы жолғы ескертпелеріне қарағанда, ол одан жеткілікті түрде хабардар. Мысалы, бүгін Қасым-Жомарт Тоқаев «пессимизм мен апатияға» түсудің қажеті жоқ екенін айтты. Ол жаһандық және аймақтық ауқымдағы экономикалық, саяси, климаттық және басқа да көптеген сын-қатерлер жағдайында бізге ағымдағы және стратегиялық міндеттерді қатар шешуге тура келетінін түсіндірді.

Әрине, барлығына ресурс жетпейді. Біз ештеңені жасырмай, барлығын ашық айтамыз. Алда көп жұмыс күтіп тұр, – деп қысқа қайырды ол жағын президент.

Бұл Жолдау туралы саясаттанушы Азамат Байғалиев те өз ойын ортаға салды. Оның айтуынша, бұл – Қасым-Жомарт Тоқаевтың жаңа экономикалық саясатты іске асыруға басымдық беретін екінші Жолдауы.

Президент енді қандай да бір бағытта шектен шығуға жол бермей, басымдықтарды нақты белгілейді. Сыртқы және ішкі саясат, сондай-ақ қоғамдық-саяси блоктың дамуы – тепе-теңдікте, – дейді Азамат Байғалиев.

Фото: akorda.kz