Qarmet комбинатында 2 жұмысшы қаза тапты

Теміртауда Qarmet металлургиялық комбинатында 2 жұмысшы қаза тапты. Екеуі де биіктен құлаған.

Сағат 9:20 шамасында химиялық блок ғимаратының шатырын бөлшектеу жұмыстарын орындау кезінде техникалық қауіпсіздік ережелерін сақтамағандықтан «Қазмеханомонтаж» ЖШС мердігерлік ұйымының 2 жұмысшысы биіктен құлады, – деп хабарлады Qarmet АҚ баспасөз қызметі.

Қаза тапқандар – 2005 жылы туған Д. Иманғалиев пен 1986 жылы туған Ю. Самойлов.

Компаниядағылар трагедияның себептері мен мән-жайларын тексеру үшін арнайы комиссия құрылғанын да нақтылады.