Қызылордада екі әйелі бар имам Антикорға пара берген
View of the main space inside the National Mosque in Abuja, Nigeria. The mosque was built in 1984 and one of the chief religious sites in the capital. The mosque is open to non-Muslims during times when it is not being used for religious services.
Қызылордада Сыбайлас жемқорлыққа қарсы агенттіктің бұрынғы қызметкері Серік Әбілқайыров өзінің туысы – «Ыбырай молда» мешітінің имамы Талғат Нұрманды алдады, деп хабарлады Nege.kz.
Ол туысының сенімін пайдаланып, имамға деструктивті діни ағымдармен байланысы бар деген күдікпен тексеріс жүргізілгелі жатқанын айтқан. Әбілқайыровтың айтуынша, күдіктің туындауына имамның екі әйелмен тұруы себеп болған. Бұл оның кіріс көздеріне қатысты сұрақтар туындатқан.
Мүмкін болатын зардаптардан қорыққан Талғат Нұрман 2 миллион теңге беру туралы талапқа келісіп, 1 миллион теңге несие алып, ақшаны Әбілқайыровқа ұстатқан. Алайда кейін алдаудың құрбаны болғанын түсінген соң құқық қорғау органдарына жүгінген. Осыдан кейін Әбілқайыров ақшаны қайтарып берген.
Шын мәнінде имамға қатысты ешқандай тексеріс жоспарланбағаны және Әбілқайыровтың жеке мүдделерін көздегені анықталды. Сот оны алаяқтық жасағаны үшін 20 миллион теңге айыппұлмен жазалады. Нұрманға қатысты пара беру әрекеті үшін кінә тағылып, бірақ ол өз еркімен құқық қорғау органдарына жүгініп, кінәсін мойындағандықтан қылмыстық жауапкершіліктен босатылды.
Фото: viktoriafoto.ru
ПІКІР ЖАЗУ
