Роналду YouTube арнасымен-ақ Гиннестің рекордтар кітабына кірді

Әлемдегі ең жақсы шабуылдаушылардың бірі – португалдық Криштиану Роналду өзінің YouTube арнасына 24 сағат ішінде 19 729 827 адам жинап, Гиннестің рекордтар кітабына кірді.

21 тамызда атақты футболшы өзінің YouTube арнасының іске қосылғанын жариялады. Бұл жаңалық шыққаннан кейін 1,5 сағат ішінде арнаға миллион адам тіркелген.

Бүгінде Роналдуның арнасында 50 миллионнан аса жазылушы бар.

Ал форвардтың өзі бүгін, яғни 29 тамызда УЕФА Чемпиондар лигасы тарихындағы үздік бомбардир ретінде УЕФА президенті Александр Чефериннің арнайы сыйлығымен марапатталады.

Фото: m.sports.ru