Заңгер Жанқош Тұраровтың әйеліне аяушылық білдірді

Белгілі заңгер, өзін зорлады деп Жанқош Тұраровты айыптаған Әнару Құрманәлінің қорғаушысы Ләззат Ахатова боксшының әйеліне қатысты пікір білдірді.

«Анонимный абонент» дегенді көрсетіп отыр. Кім білсін, күйеуінің нешінші құрбаны телефон соғып жатқанын. Соны Әнару деп дәлелсіз күйе жаққаны үшін де жауапқа тартылатынын білмей ме, боксердың әйелі? «Дайынсыздар ма, әне салғалы жатырмын, міне салайын деп жатырмын» деген әңгімелер не істерін білмей отырған адамның далбасасы ғой. Салсын да, бар болса. Кімді алдап отыр? Жалпы, бұның әйеліне не жоқ? Қызға әйелімен барған ба екен, «қазақтың батыры»? Менің осы келіншекке жаным ашиды, – деп жазды заңгер Facebook-тегі парақшасына.

Бұл ретте ол боксшының біреудің қызын алып, өзі соның үстінен әркіммен жүріс жүріп, қыздарды алдап, зорлап жүргені шын мәнінде сол келіншегінің өзіне обал екенін алға тартты.

Сонда да жақтайды. Әбден қорқытып тастаған ба, әлде өз өтірігіне өзі сеніп, өзін-өзі солай алдай ма екен? Әнарудың қасында інілері, әкесі бар, әр қадамы санаулы. Бұндай нәрсеге жол бергізбейді. Керісінше, бұлардікі ұяттың көкесі ғой. Өздерінің осы тірліктері өте аянышты, – деді Ләззат Ахатова.