17 жыл құлдықта болған апалы-сіңілі қыздар адам танымастай өзгерген

Түркістан облысында құлдықта болған апалы-сіңілі қыздардың қазіргі жағдайын журналист Руслан Өтепбай көрсетті. Құлдықтан енді шыққан кезде қыздар жалтақ еді. Қазір олар адам танымастай өзгерген. «Екеуі әдеміленіп кетіпті. Сыныптас қыздарына көп рақмет. Ол қыздар болмағанда әлі де мал бағып жүрер еді, жеңгесіне де керегі сол еді. Русланға алғыс айтамыз. Жетімдерді жылатпауымыз керек. Сұлу болып кеткен қыздар», - деп жазды желідегі оқырман. Еске сала кетейік, Түркістан облысы Есік Шілік ауылында тұратын, 17 жыл ішінде жұпыны тірлік кешкен Назгүл бен Құндыз есімді екі қыздың жағдайына алаңдаған сыныптастары халықтан көмек сұраған еді. Белгілі болғандай, қыздардың бірінің жасы 32-де, екіншісінің жасы 27-де. Оларға немере ағасы Cәулебек Әбілдаев былтырдан бері ресми түрде қамқоршы болған. Оның сөзінше, қыздарда анықталған туберкулез балаларына жұға ма деген қорқыныштан оларды оқшаулаған. Бөлек үйде тұрғызып, мал бақтырған.