2026 жылдан бастап елімізде зейнетақы қанша теңгеге өсетіні белгілі болды

Сенатқа мәжіліс қабылдаған 2026-2028 жылдарға арналған республикалық бюджет туралы заң жобасы келіп түсті, деп хабарлайды POLITICO.KZ.

Құжатқа сәйкес, жасы бойынша және еңбек сіңірген жылдары үшін төленетін зейнетақы көлемі 2026 жылдың 1 қаңтарынан бастап 10%-ға ұлғайтылады.

Негізгі әлеуметтік көрсеткіштер де заңда белгіленген:

ең төменгі жалақы – 85 000 теңге;
мемлекеттік базалық зейнетақы төлемінің ең төменгі мөлшері – 35 596 теңге;
ең төменгі зейнетақы – 69 049 теңге;
айлық есептік көрсеткіш (АЕК) – 4325 теңге;
ең төменгі күнкөріс деңгейі – 50 851 теңге.

Мәжіліс депутаттары ең төменгі жалақыны 110 мың теңгеге дейін арттыруды ұсынғанымен, үкімет бұл ұсынысты қолдамады, сондықтан норма заңға енгізілген жоқ.

#зейнетақы