Әли Әлиев: "Қазақстан құрамасын тегін баптауға дайынмын"

Қазақстан құрамасының бапкері ақшаға емес, ел намысына жұмыс істейді

Қазақстан футбол құрамасының бас бапкерінің міндетін атқарушы Әли Әлиев жалақысы туралы сұраққа жауап берді, деп хабарлайды POLITICO.KZ.

Оның айтуынша, басшылықпен еңбекақы туралы ешқандай келіссөз жүргізілмеген. Бапкер үшін бастысы – ұлттық құраманы басқару құрметіне ие болу.

«Маған Марат Омаров әлі жалақымды айтқан жоқ, бірақ мен бұл жұмысты тегін ақ істей аламын. Себебі 20 млн халықтың абыройы менің мойымда», – деді Әлиев.

Осыған дейін Қазақстан футбол федерациясы (ҚФФ) ұлттық құраманың жаңа бапкерін жақын арада тағайындайтынын мәлімдеген болатын. Қазіргі уақытта Әли Әлиев бас бапкердің міндетін уақытша атқаруда.

футбол