Алматы әуежайында FlyArystan ұшағында өрт шығып, бір адам зардап шекті

28 тамызда Алматы халықаралық әуежайында жоспарлы техникалық жұмыстар жүргізіліп жатқан кезде FlyArystan ұшағының бортында өрт шықты, деп хабарлайды Politico.kz.

Air Astana тобының бір қызметкері жарақат алды.

Әуе компаниясының мәліметінше, зардап шеккен қызметкерге медициналық көмек көрсетілді. Тексеріліп, ем қабылдағаннан кейін ол ауруханадан шығарылды.

Өртті әуежайдың жедел қызметтері дер кезінде сөндірді. Оқиға болған сәтте ұшақ бортында жолаушылар да, экипаж мүшелері де болмаған.

Ұшақ уақытша пайдаланудан шығарылды. Мамандар зақымдану деңгейін бағалап, қажетті жөндеу жұмыстарын жүргізіп жатыр.

Air Astana тобы Алматы халықаралық әуежайымен бірлесіп, өндірістік оқиғаның мән-жайын анықтап жатыр.

FlyArystan Алматы Ұшақ Әуежай Өрт