Алматыда шетелдік студенттер кафе ішінде төбелес шығарды

Алматыда жаңа жыл түні шетелдік студенттер кафе ішінде төбелес шығарды, деп хабарлайды POLITICO.KZ.

Қалалық полиция департаментінің баспасөз қызметі берген ақпаратқа сәйкес, төбелеске Алматыдағы бір университеттің шетелдік студенттері қатысқан.

"Төбелеске қатысқан барлық студенттер ұсталып, Медеу аудандық полиция басқармасына жеткізілді. Олардың әрқайсысының әрекетіне құқықтық баға беріледі. Бұзақылық фактісі бойынша қылмыстық іс қозғалды. Қазіргі таңда оқиғаның басқа да мән-жайлары анықталуда", – деді Алматы қаласы полиция департаментінің өкілдері.

Әлеуметтік желілерде оқиғаның Көктөбеде болғаны туралы хабарланған.