Алматыда веложолақтардағы қызыл бағаналар алына бастады

Алматы қаласында 3 қарашадан бастап жол бойындағы веложолақтарды бөліп тұратын арнайы қорғаныш бағаналары алына бастады. Бұл мәліметті қалалық Жол қозғалысын ұйымдастыру және жолаушылар көлігі басқармасы растады, деп хабарлайды POLITICO.KZ.

Ведомствоның хабарлауынша, бұл шешім қыс мезгілінде жолдарды қардан және мұздан тазалау жұмыстарын жеңілдету үшін қабылданған.

Басқарма өкілдері бұл ретте велосипед инфрақұрылымының өзі толық сақталатынын және қауіпсіздік талаптары мен жол қозғалысын ұйымдастыру стандарттарына сәйкес жұмысын жалғастыра беретінін атап өтті. Осыған байланысты, мамандар түрлі келеңсіз және апатты жағдайларды болдырмау үшін көлік жүргізушілерінен жол жүру ережелерін қатаң сақтауды сұрайды.