Алматыда жоғалып кеткен бойжеткеннің мәйіті таудан табылды

Алматыда құтқару қызметі Букреев шыңы маңында жоғалып кеткен 18 жастағы бойжеткеннің мәйітін тапты, деп хабарлайды Politico.kz.

Курорттың ресми мәлімдемесі бойынша, марқұмның кім екені қажетті сараптамалар аяқталғаннан кейін түпкілікті анықталады.

«Оқиға курорт аумағынан тыс жерде, жабдықталған трассалардан және біздің жауапкершілік аймағымыздан тыс аумақта болды. Қыз бала таулы аймаққа өз бетінше, жалғыз өзі шыққан, құтқару қызметіне тіркелмеген және қасында ешкім болмаған», – делінген хабарламада.

Осыған дейін әлеуметтік желіде жоғалып кеткен бойжеткен туралы ақпарат жарияланып, оны іздеуге көмектесуге шақырған болатын.