Андорра 2019 жылдан бері жеңбеген алғаш рет Қазақстанды жеңді

Футболдан Қазақстанның 21 жасқа дейінгі құрамасы Еуропа чемпионатының іріктеу кезеңінде Андорра құрамасынан 0:1 есебімен ұтылды, деп хабарлайды POLITICO.KZ

Кездесу Андоррада өтті. Бірінші таймда есеп ашылмады, ал екінші таймда Марк Родригес бұрыштан көтерілген допты қақпаға дәл бағыттап, жеңіс голын соқты.

Үш ойында бір ғана жеңіс алған қазақстандықтар турнир кестесінде бесінші орынға түсті. Ең әлсіз командалардың бірі саналатын Андорра болса, соңғы алтыншы орында келеді.

Айта кетейік, бұл Андорра жастарының 2019 жылдың қарашасынан бергі алғашқы жеңісі. Сол жылы олар Түркияны 2:0 есебімен ұтқан еді. Содан бері команда 33 матч бойы жеңіске жете алмай, 29 рет жеңіліп, 4 рет тең түскен. Тіпті соңғы 13 ойында қатарынан ұтылған болатын.

Сондай-ақ, Андорра құрамасы соңғы голын бір жыл бұрын Португалия қақпасына соққан еді. Осылайша, олар ұзаққа созылған сәтсіздіктер сериясын үзіп, Қазақстан құрамасын жеңу арқылы тарихи нәтиже тіркеді.

Келесі матчтарда Қазақстан жастары қараша айында Словакия және Молдова құрамаларымен кездеседі.

#«Қайрат» футбол клубы билет сатылымына қатысты тараған ақпаратты жоққа шығарды «Қайрат» футбол клубы УЕФА Чемпиондар лигасы аясында «Реал Мадрид» командасымен өтетін ойынға билеттердің сатылуы немесе алдын ала брондалуы туралы әлеуметтік желілерде тараған мәліметтердің шындыққа жанаспайтынын ресми түрде хабарлады. Клубтың мәліметінше, жанкүйерлер билетке қатысты кез келген ақпаратты тек ресми дереккөздерден – клубтың интернет-ресурсы мен әлеуметтік желілердегі парақшаларынан алуы тиіс. Қазіргі уақытта билеттердің сатылымға шығатын күні мен олардың бағасы бекітілмеген. Осыған орай, клуб басшылығы жанкүйерлерді бөгде хабарландыруларға сенбеуге және билеттерді бейресми жолдармен сатып алудан аулақ болуға шақырады. #андорра

Пікірлер (0)