Әнші Бүркіт халықты ерекше әрекетімен таң қалдырды

Қазіргі уақытта жұбайы Айша және төрт баласымен бірге Малайзияда демалып жүрген қазақстандық әнші Бүркіт (Айбек Жансейітов) Instagram парақшасында кенже қызы Латифамен түскен әсерлі видеоны жариялады, деп хабарлайды Politico.kz.

Бейнежазба сипаттамасында өнер иесі қызына шынайы жүректен шыққан сөздерін арнады:

«Менің періштем. Сен үшін жақсы әке болуға тырысамын! Әрдайым қасыңнан табылуға уәде беремін, күнім менің! Адал, ақылды бол! Бақытты бол! Саған жақсы әке болуға уәде беремін! Ешқашан тастамаймын, қалдырмаймын, сатпаймын! Соңғы демім қалғанша сені, аға-інілеріңді, әпкеңді жақсы көремін. Әрине, аналарыңды да».

Бұл видео мен жылы лебіздер әншінің жанкүйерлері арасында үлкен эмоция тудырды. Пікірлерде көпшілік оны қамқор әке, жастарға үлгі болатын тұлға ретінде атап, ондаған ізгі тілектерін қалдырған.