Әнші Төреғали Төреәліге шектеу қойылды

22 маусым 2026, 18:23 1551

Әнші Төреғали Төреәліге шектеу қойылды — Фото: instagram.com/toregalitoreali

Белгілі әнші Төреғали Төреәлінің продюсері Жан Мұқанов оның шығармашылық қызметін тоқтатып, барлық өнеріне шектеу қойды. Бұл туралы Qirtosek Telegram-арнасы хабаралады.

Бұған өнер иесінің Павлодар қаласындағы ипподромның ашылу салтанатына бармай, келісімшарт талаптарын бұзуы себеп болған. Салдарынан әншінің командасы жоспарланған күзгі концерттер мен халықаралық турнені түгелдей жойып тастады.

Нақты шешім қабылданғанға дейін Төреғалиге үлкен сахналарда ғана емес, тіпті жабық кештер мен тойларда да өнер көрсетуге тыйым салынды. Қазіргі уақытта продюсерлер келтірілген шығын көлемін есептеп, әншіні күткен павлодарлық ұйымдастырушылармен мәселені реттеуге тырысып жатыр.