Ақбота-Нұр Сейтмағамбет балаларын мектепке әзірлеуге миллионнан аса қаржы жұмсағанын айтты

Танымал әнші Ақбота-Нұр Сейтмағамбет биыл екі баласын жаңа оқу жылына дайындауға шамамен 1 миллион теңге кеткенін айтты, деп хабарлайды POLITICO.KZ.
Әншінің айтуынша, мектеп формасы, спорттық киімдер және қажетті құрал-жабдықтардың бәрін қосқанда шығын осындай соманы құраған.

«Костюм-шалбар, спорттық форма, оқу құралдары бар – барлығы қосылып, 1 миллион теңгенің айналасында кетті», – деді өнер иесі.

Бұл жаңалық желі қолданушылары арасында қызу талқыға түсті. Көпшілік аталған соманы тым қымбат деп бағалап, өз тәжірибелерімен бөлісіп жатыр.

«120 мың теңгеге әрең жеткіздім», «Менің 4 балама 150 мың теңге болды, миллионға не алғанын түсінбедім», «3 балама 200 мың теңге болды, шүкір», – деген пікірлер жазылды.