АҚШ Украинаға әскери көмек көрсетпеуі мүмкін – БАҚ

АҚШ-та Украинаға жаңа әскери көмек пакеттерін жеткізуге қатысты нақты талқылаулар жүргізіліп жатқан жоқ, деп хабарлайды POLITICO.KZ.

Бұл жағдай Ақ үй мен Конгресс тарапынан белсенді қолдау байқалмай отырғанын көрсетеді. Бұл туралы Oxu.Az The New York Times басылымына сілтеме жасап хабарлады.

Газет мәліметінше, Конгресстегі Украинаға қолдау көрсететін заң шығарушылардың айтуынша, қазіргі уақытта Капитолий төбесінде де, Ақ үйде де Украинаға келесі қару-жарақ пакетін бөлуге қатысты маңызды талқылаулар жүргізілмей отыр. Әсіресе, бұл Байден әкімшілігінің соңғы айларындағы көмек толық игеріліп жатқан шақта ерекше өзекті болып тұр.

Сонымен қатар, еуропалық шенеуніктер де Вашингтоннан Украинамен барлау деректерін бөлісу жөнінде нақты кепілдіктер алмағанын айтқан. Бұл мәліметтер бұған дейін Украинаға Ресей нысандарына дәл соққы жасауға мүмкіндік берген еді.

«Шын мәнінде, қазіргі уақытта Ақ үй Украинамен қарым-қатынасты айтқанда, көбіне нені алғысы келетінін алға тартады, ал нені беруге дайын екені туралы айтылмайды», – деп жазады басылым.