АҚШ Ұлыбританияға Украинаға барлау деректерін жіберуді тоқтатуды бұйырды

АҚШ Ұлыбританияға Украинамен әскери барлау деректерін бөлісуге тыйым салды, деп хабарлайды POLITICO.KZ Daily Mail басылымына сілтеме жасап.

Вашингтонның жаңа шешіміне сәйкес, британдық арнайы қызметтер мен қорғаныс ведомстволарына АҚШ-тан алынған барлау ақпаратын Киевке беруге қатаң тыйым салынды. Бұған дейін «Rel UKR» (Releasable to Ukraine – Украинаға жіберуге болатын ақпарат) белгісімен мұндай мәліметтер Украинаға берілуі мүмкін еді.

Соңғы үш жыл ішінде Ұлыбритания, Австралия және Жаңа Зеландия Украинаға АҚШ-пен бірге құпия әскери ақпараттарды жеткізіп отырған. Алайда, Вашингтон бұл деректердің құпия белгісін алып тастап, оларды үшінші тарапқа беруге тыйым салған.

Бұл тыйым Ұлыбританияның Үкіметтік байланыс орталығы (GCHQ), қорғаныс министрлігінің барлау бөлімдері және басқа да арнайы қызметтерін қамтиды.

Британдық әскери барлау сарапшысы Фил Ингрэмнің айтуынша, бұл шешім күтпеген жағдай емес.

«АҚШ өз одақтастарына Украинаға берілетін барлау ақпаратын шектеуді бұйырды. Бұл қадам Киевтің қорғаныс қабілетіне айтарлықтай әсер етуі мүмкін», – деді Ингрэм.

Сарапшылардың пікірінше, Вашингтонның бұл шешімі Украинаға қарсы шабуылдарға қарсы күрес жүргізуге кедергі келтіруі мүмкін.

Қазіргі уақытта Ұлыбритания билігі мен АҚШ тарапы бұл мәселеге қатысты ресми түсініктеме берген жоқ.