Ақтөбеде жантүршігерлік жол апаты болды: адам шығыны бар

Ақтөбе қаласында Әлия Молдағұлова мен Тургенев көшелерінің қиылысындағы көпірде үш автокөлік жол апатына түсті,  деп хабарлайды POLITICO.

Алдын ала мәліметтер бойынша, қайғылы оқиға 5 желтоқсан күні сағат 22:00-де болған. Lexus маркалы автокөлігінің жүргізушісі Subaru көлігімен соқтығысқан.
Соққыдан кейін Subaru көлігі сол бағытта келе жатқан Chevrolet Cobalt автокөлігіне қайта соғылған.

Жол апаты салдарынан Subaru автокөлігінің жүргізушісі мен жолаушысы оқиға орнында көз жұмды. Тағы үш адам ауруханаға жеткізілді.

Тергеу жүріп жатыр. Полиция оқиғаның барлық мән-жайы мен себептерін анықтап жатқанын мәлімдеді.