"Әркімнің өз жолы бар": Жұлдыз Әбдікәрімова жазбасымен көпшілікке ой салды

Актриса әрі продюсер Жұлдыз Әбдікәрімова әлеуметтік желідегі парақшасында өмірдің мәні мен әр адамның даралығы туралы философиялық жазба жариялады, деп хабарлайды Politico.kz.

Өнер иесі әр адамның өмір жолы мен тағдыры қайталанбайтынын айтып, өзгенің өмірімен салыстырудың қажеті жоқ екенін жеткізді.

«Шексіз аспанның астында миллиардтаған адам өмір сүреді. Бірақ екі адамның тағдыры бірдей болмайды. Әркімнің өз жолы, өз уақыты, өз тағдыры бар. Табиғат ешқашан бір ағашты екіншісіне ұқсатпайды. Жаратушы да адамды қайталамайды. Сондықтан өз жолыңды сүй. Өз уақытыңа сен. Өйткені сен де – Жаратушының ерекше ықыласпен жаратқан сүйікті пенделерінің бірісің. Бірегей болу – артық болу емес. Бірегей болу – өзің болып қалу», – деп жазды Жұлдыз Әбдікәрімова.

Желі қолданушылары актрисаның жазбасына жылы пікірлер қалдырып, оның ойымен келісетіндерін айтып, шабыт сыйлағаны үшін алғыстарын білдірді.