Артында екі баласы қалды: Жетісу облысында құтқарушы көз жұмды

Жетісу облысында құтқару кезінде ТЖД қызметкері Дамир Таранов қаза тапты, деп хабарлайды Politico.kz

Жетісу облысында жүргізілген құтқару операциясы кезінде Төтенше жағдайлар департаментінің қызметкері, азаматтық қорғау майоры Дамир Таранов қызметтік міндетін орындау барысында көз жұмды.

Департаменттің мәліметінше, 2026 жылдың 7 наурызында Панфилов ауданына қарасты Атамекен ауылдық округіндегі Алтынкөл көлінде төтенше жағдай тіркелген. Мұнда балық аулап отырған адамның астындағы мұз жарылып, ол мұз кесегімен бірге көлдің ортасына қарай жылжып кеткені туралы хабарлама түскен.

Оқиға орнына Жетісу облысы ТЖД бөлімшелері, Жаркент қаласындағы №11 өрт сөндіру бөлімінің қызметкерлері, Талдықорған қаласынан жедел-құтқару жасағы, сондай-ақ ҚР ТЖМ-нің «Барыс» республикалық құтқару қызметі мен Алматы облысы ТЖД құтқарушылары жедел жіберілді.

Құтқару операциясы кезінде мұз қайтадан жарылып, салдарынан Панфилов аудандық төтенше жағдайлар бөлімінің №11 өрт сөндіру бөлімінің қарауыл бастығы, азаматтық қорғау майоры Дамир Таранов қаза болды.

Дамир Таранов 1994 жылдың 28 маусымында дүниеге келген. 2012 жылы Көкшетау техникалық институтына оқуға түсіп, азаматтық қорғау саласындағы қызмет жолын бастаған.

2016 жылдан бері өртке қарсы қызмет органдарында еңбек етіп, Панфилов ауданы мен Қапшағай қаласындағы өрт сөндіру бөлімдерінде түрлі жауапты лауазымдарда қызмет атқарды.

Соңғы жылдары ол Панфилов ауданындағы №11 өрт сөндіру бөлімінде жұмыс істеп, тәжірибелі маман әрі әріптестері арасында беделді басшы ретінде танылды.

Қызметтік міндетін адал атқарып, адамдардың қауіпсіздігі үшін күрескен құтқарушының артында жұбайы мен екі баласы қалды.

Оқиға орнына Жетісу облысының ТЖД күштері, Жаркент қаласындағы №11 өрт сөндіру бөлімінің қызметкерлері, Талдықорғаннан жедел-құтқару жасағы, сондай-ақ ҚР ТЖМ «Барыс» республикалық құтқару қызметінің және Алматы облысы ТЖД құтқарушылары жіберілді.

Құтқару жұмыстары барысында мұз қайтадан жарылып, соның салдарынан Панфилов ауданы төтенше жағдайлар бөлімінің №11 өрт сөндіру бөлімінің қарауыл бастығы, азаматтық қорғау майоры Дамир Таранов қаза тапты.

Дамир Таранов 1994 жылдың 28 маусымында дүниеге келген. Ол 2012 жылы Көкшетау техникалық институтына түсіп, азаматтық қорғау жүйесіндегі еңбек жолын бастаған.

2016 жылдан бастап өртке қарсы қызмет органдарында жұмыс істеп, Панфилов ауданы мен Қапшағай қаласындағы өрт сөндіру бөлімдерінде түрлі жауапты қызметтер атқарған.

Соңғы жылдары Панфилов ауданындағы №11 өрт сөндіру бөлімінде қызмет етіп, тәжірибелі маман әрі әріптестері арасында беделді басшы ретінде танылған.

Қызметтік борышын адал атқарып, азаматтардың қауіпсіздігі үшін күрескен құтқарушының артында жұбайы мен екі баласы қалды.