Астана тұрғындары сусыз қалуы мүмкін

Астана тұрғындары сусыз қалуы мүмкін, деп хабарлайды POLITICO.KZ.

Қазақстан астанасындағы тұрғын үй құрылысының қарқынды өсуі және елдің бас қаласы халқының санының артуы коммуналдық апатқа әкелуі мүмкін, деп санайды депутат Павел Казанцев.

Ол Астанаға ауыз су 50 жылдан астам бұрын салынған және 500 мың адамға есептелген су қоймасынан берілетінін еске салды. Ал қазір бұл көрсеткіш іс жүзінде үш есеге артты.

2024 жылдың өзінде астаналықтар сумен жабдықтаудағы үзілістерге тап болды. Оның үстіне елорданың судың резервтік көзі жоқ.

Индустрия және құрылыс вице-министрі Қуандық Қажкенов Астанада су тапшылығы жоқ деп мәлімдеді. Бұған 2023 жылы сүзгі станциясының іске қосылуы ықпал етті.

«Қазір тәулігіне 350 мың текше метр тұтыну кезінде барлық станциялардың жалпы қуаты 410 мыңды құрайды, яғни тапшылық қазірдің өзінде жоқ», – деді ол.

Судың резервтік көзі ретінде сорғы станциясы мен су құбырларын салу нұсқалары қарастырылуда, бұл Астанаға тәулігіне шамамен 240 текше метр су қосады.

Дереккөз: Sputnik Қазақстан