Астанада көшеден 53 жастағы адамның денесі табылды

Астана көшелерінің бірінен ер адамның мәйіті табылды, деп хабарлады қалалық ПД баспасөз қызметі. Ведомство мәліметінше, 20 тамызда сағат 18:50-де 102 арнасына Байқоңыр ауданының Янушкевич көшесінен пышақ жарақатын алған 53 жастағы ер адамның мәйіті табылғаны хабарланған.

Тәртіп сақшылары жедел іздестіру іс-шарасы барысында 31 жастағы күдіктіні қолға түсірді. Алдын ала мәлімет бойынша, екі адамның арасында жанжал туып, соңы кісі өлімімен аяқталған. Заттай дәлел ретінде пышақ табылып, қылмыстық іс қозғалды, - делінген ресми хабарламада.

Күдікті уақытша ұстау изоляторына қамалды. Фото: ІІМ

Астана дене ер адам күдікті мәйіт пышақ