Астана-Щучинск трассасында 40 көлік соқтығысты

Астана-Щучинск бағытындағы тас жолда ірі жол апаты орын алды, деп хабарлайды POLITICO.KZ.

Көлік апаты Қоғам мен Қаратал ауылдарының арасында болған. Алдын ала мәліметтерге сәйкес, шамамен 40 көлік соқтығысқан.

Қазіргі уақытта зардап шеккендер мен қайтыс болғандар туралы ақпарат жоқ. Оқиға орнында полиция қызметкерлері жұмыс істеп жатыр.

Куәгерлердің айтуынша, апатқа қатты боран себеп болған. Әлеуметтік желілерде тараған видеоларда ауа райының қолайсыздығы, жолдың көру мүмкіндігін төмендеткені анық көрінеді.

Төтенше жағдай қызметтері жүргізушілерді тас жолдарға шықпауға, ауа райы жағдайын мұқият бақылауға шақырды. Апаттың мән-жайы анықталуда.