Батыс Қазақстан облысында жолаушылар бар автобус өртеніп кетті

9 тамыз 2026, 16:30 1619

Батыс Қазақстан облысында жолаушылар бар автобус өртеніп кетті — Видеодан кадр

Батыс Қазақстан облысының Теректі ауданында рейстік автобус қозғалыс кезінде өртенді, деп хабарлайды Politico.kz.

Оқиға 8 тамыз кешке Самара – Шымкент тасжолында, Шалқар көліне бұрылатын тұста болған. Автобус Орал – Қаратөбе бағыты бойынша жүріп келе жатқан. Өрт шыққан кезде салонда 37 жолаушы болған. Барлығы автобустан өздігінен эвакуацияланған.

Төтенше жағдай салдарынан қаза тапқандар мен зардап шеккендер жоқ.

«Өрт жедел кезекші пультіне түскен хабардан кейін оқиға орнына БҚО ТЖД қызметкерлері жіберілді. Өрт сегіз маман мен екі техника бірлігінің көмегімен толық сөндірілді», – деп хабарлады ведомствоның баспасөз қызметі.

Оқиғаның нақты себебі анықталуда.

Маңғыстауда мұнай кен орнында өрт шықты

Ақтауда көпқабатты үй маңынан әйелдің мәйіті табылды

автобус Батыс Қазақстан облысы жолаушылар көлік өртенді Өрт

Бізді Google-дың негізгі дереккөздер тізіміне қосыңыз

Қосу