“Бауыры езіліп, өкпесі тесілген”: Экс-полицей көлігімен басып өткен баланың жағдайы нашар

Экс-полицей көлігімен басып өткен баланың жағдайы ауыр, деп хабарлайды POLITICO.KZ Sputnik.kz сайтына сілтеп.

7 жастағы Жанарыстың әкесінің айтуынша, баласы жансақтау бөлімінде жатыр.

Оған екі рет ота жасалыпты. Содан оңалмай тұр.

«Баламның өкпесіне екі жеріне зонт қойған. Аяқ-қолы сынбаған сияқты, бірақ қозғала алмайды. Балам көзін ашады, бірақ тіл жоқ», - дейді жеткіншектің әкесі Еркін Қалықбаев.

Жанарыс – отбасындағы төрт баланың үшіншісі. Ол таэквандомен айналысқан.

Алматы облысы Көкөзек ауылында 4 шілдеде велосипед мінген баланы Lexus RX 300 көлігі артқа жүріп келе жатып, басып өтті. Жүргізуші оқиға орнынан ізін суытқан. Алайда көп ұзамай ұсталды.